kerala schools to reopen from november 1: ‘ശനിയാഴ്ചയും ക്ലാസ്, ഉച്ചഭക്ഷണം നൽകും’; സ്കൂൾ തുറക്കൽ വിവരങ്ങൾ പങ്കുവച്ച് വിദ്യാഭ്യാസ മന്ത്രി – kerala education minister v sivankutty talks about school reopening preparations and planning

ഹൈലൈറ്റ്:

  • ശനിയാഴ്ച പ്രവർത്തി ദിവസമായിരിക്കുമെന്ന് വിദ്യാഭ്യാസ മന്ത്രി.
  • മാർഗരേഖ തയ്യറാക്കി കഴിഞ്ഞതായി വിദ്യാഭ്യാസ മന്ത്രി.
  • സ്കൂളുകൾ കേന്ദ്രീകരിച്ച് ഹെൽപ് ഡെസ്ക് തുറക്കും.

തിരുവനന്തപുരം: സംസ്ഥാനത്ത് സ്കൂൾ തുറക്കുന്നതിനുള്ള ക്രമീകരണങ്ങൾ പുരോഗമിക്കുന്നതായി വിദ്യാഭ്യാസ മന്ത്രി വി ശിവൻകുട്ടി. ക്ലാസുകൾ ഉച്ചവരെ മാത്രമായിരിക്കും. ശനിയാഴ്ച പ്രവർത്തി ദിവസമായിരിക്കും. കൊവിഡ്-19 മാനദണ്ഡങ്ങൾ പാലിച്ച് ഉച്ചഭക്ഷണം നൽകും. പിടിഎ അതിനുള്ള നടപടികൾ സ്വീകരിക്കുമെന്നും നിയമസഭയിലെ ചോദ്യത്തിന് മറുപടിയായി മന്ത്രി പറഞ്ഞു.

പ്ലസ് വൺ അലോട്ട്മെന്റ് സംബന്ധിച്ച് ആശങ്ക വേണ്ടെന്ന് വി ശിവൻകുട്ടി
സംസ്ഥാനത്തെ സ്കൂളുകൾ തുറന്ന് പ്രവർത്തിക്കുന്നതുമായി ബന്ധപ്പെട്ടുള്ള മാർഗരേഖ തയ്യറാക്കി കഴിഞ്ഞതായി വിദ്യാഭ്യാസ മന്ത്രി പറഞ്ഞു. മുഖ്യമന്ത്രി പിണറായി വിജയന് മാർഗരേഖ കൈമാറി. ഈ മാർഗരേഖ മുഖ്യമന്ത്രി ഇന്ന് പുറത്തിറക്കുമെന്നും അദ്ദേഹം സഭയിൽ പറഞ്ഞു.

നവംബർ ഒന്നിന് സ്കൂളുകൾ തുറക്കുമ്പോൾ സ്കൂൾ തുറക്കുമ്പോൾ വിദ്യാർഥികൾക്ക് ഉച്ചഭക്ഷണം നൽകണമെന്നതാണ് സർക്കാരിൻ്റെ നയം. അതത് സ്കൂളുകളിലെ പിടിഐയുടെയും സന്നദ്ധ സംഘടനകളുടെയും നാട്ടുകാരുടെയും സഹകരണത്തോടെയായിരിക്കും ഉച്ചഭക്ഷണം വിതരണം ചെയ്യുക. ഫിറ്റ്നസ് ഇല്ലാത്ത സ്കൂളുകളിലെ കുട്ടികൾക്ക് തൊട്ടടുത്ത സ്കൂളിൽ ക്ലാസ് ഉറപ്പാക്കും. എൽപി ക്ലാസിൽ ഒരു ബെഞ്ചിൽ ഒരു കുട്ടിയെ മാത്രമേ ഇരുത്തുകയുള്ളൂ. ഓട്ടോറിക്ഷയിൽ പരമാവധി മൂന്ന് കുട്ടികളെ മാത്രം കയറ്റണം. വിദ്യാർഥികൾക്കും അനധ്യാപകർക്കും കൊവിഡ് പ്രതിരോധ വാക്സിനേഷൻ ഉറപ്പുവരുത്തുമെന്നും മന്ത്രി പറഞ്ഞു.

നിയമസഭയിൽ എപ്പോൾ വരണം, എങ്ങനെ പ്രവർത്തിക്കണം എന്നൊക്കെ നന്നായി അറിയാം; വിഡി സതീശന് മറുപടിയുമായി പിവി അൻവർ
സ്കൂളുകൾ കേന്ദ്രീകരിച്ച് ഹെൽപ് ഡെസ്ക് തുറക്കും. സ്കൂളുകൾ തുറക്കാതെ കിടക്കുന്ന സാഹചര്യത്തിൽ സ്കൂളുകൾക്ക് ഫിറ്റ്നസ് സർട്ടിഫിക്കറ്റുകൾ നൽകാനുള്ള നടപടികൾ പുരോഗമിക്കുകയാണ്. സ്കൂൾ വാഹനങ്ങളുടെ അറ്റകുറ്റപ്പണികൾ പൂർത്തീകരിക്കുന്നതിന് പിടിഐയുടെയും നാട്ടുകാരുടെയും സഹകരണം വേണം. വിദ്യാർഥികൾക്കായുള്ള കൺസെഷൻ്റെ കാര്യത്തിൽ സ്വകാര്യ ബസ് ഉടമകളുമായി ഉടൻ ചർച്ച നടത്തും. ഇക്കാര്യത്തിൽ രണ്ട് ദിവസത്തിനുള്ളിൽ തീരുമാനം ഉണ്ടാകും. വിദ്യാർഥികൾക്ക് നിരക്കിൽ ഇളവ് നൽകാൻ കെഎസ്ആർടിസി തയ്യാറായിട്ടുണ്ടെന്നും മന്ത്രി നിയമസഭയിൽ വ്യക്തമാക്കി.

സ്കൂളുകളിൽ സോപ്പ്, സാനിറ്റൈസർ തുടങ്ങിയവ ഉപയോഗിക്കാൻ സാഹചര്യം ഉണ്ടായിരിക്കും. കുട്ടികളുടെ ഊഷ്മാവ് അളക്കാൻ തെർമ്മൽ സ്കാനറുണ്ടാകും. ഓരോ സ്കൂളിലും ഓരോ ഡോക്ടർമാരുടെ സേവനം ലഭ്യമാക്കാനുള്ള സാഹചര്യം ഒരുക്കണമെന്ന നിർദേശം നൽകിയിട്ടുണ്ട്. കൊവിഡ് മാനദണ്ഡങ്ങൾ പാലിച്ചുകൊണ്ടാണ് കുട്ടികൾ സ്കൂളിലേക്ക് എത്തുക. അത്തരത്തിലാണ് ക്രമീകരണം. ബയോ ബബിൾ സംവിധാനത്തിൽ ആക്കി സംരക്ഷിക്കുന്നതിനാണ് പദ്ധതി. സ്കൂൾ തുറക്കുന്നതിനു മുമ്പ് കുട്ടികൾ എത്തുന്ന എല്ലാ ഇടങ്ങളും ശുദ്ധീകരിക്കുന്നതിനും അണുവിമുക്തമാക്കുന്നതിനുമുള്ള നടപടികൾ സ്വീകരിച്ചു വരുന്നുണ്ടെന്നും ഫേസ്ബുക്ക് പോസ്റ്റിലൂടെ മന്ത്രി പറഞ്ഞു.

സ്കൂൾ തുറക്കുന്നതോടെ ചെല്ലപ്പനാശാരി പെരുവഴിയിലാകും!!

Source link

Leave a Reply

Your email address will not be published. Required fields are marked *

WP Tumblr Auto Publish Powered By : XYZScripts.com
Follow by Email
WhatsApp